Ինչպե՞ս ընտրել լավագույն աղանդերային գինին ձեր հաջորդ ընթրիքի համար

Աղանդերային գինիների տարբերակներ

Գոյություն ունեն աղանդերային գինիների տարբեր տեսակներ, որոնցից յուրաքանչյուրն ունի համի, քաղցրության ու ալկոհոլի տարբեր մակարդակներ։ Ահա, մի քանի հայտնի տարբերակներ․

Sauternes

Ֆրանսիական քաղցրահամ աղանդերային գինի՝ հայտնի ցիտրուսային քաղցր մրգերի, սպիտակ ծաղիկների ու մեղրի համային նոտաներով։ Ալկոհոլի մակարդակը՝ 12.5%։ Այն արտադրվում է բարձրորակ խաղողի մի քանի տեսակներից, որոնք խմիչքին փոխանցում են յուրահատուկ թարմություն։ Ըմպելիս կարելի է նկատել նաև քաղցրության հաճելի երանգներ։ Կարելի է ըմպել ընթրիքի ընթացքում կամ ընթրիքից հետո և համադրել սպիտակ մսի, քաղցրահամ հացի ու սնկերի համադրության հետ, ինչպես նաև պանիրների ու արևադարձային աղանդերի հետ։

Port

Պորտուգալական քաղցրահամ ու թունդ գինի, որը հնեցվում է 3 տարի՝ մեծ ու հին կաղնե տակառներում և ունի 19 % ալկոհոլի պարունակություն։ Բույրը հիշեցնում է սալորի, մոշի ու շոկոլադի խառնուրդի։ Խորհուրդ է տրվում համադրել պանրի ու շոկոլադի հիմքով աղանդերի հետ։ Այն կարելի է ըմպել ինչպես ընթրիքից առաջ, այնպես էլ՝ հետո։ Կարմիր գինին կարող եք գնել Վինո Վինո մասնագիտացված խանութ սրահից։

Moscato

Իտալական արտադրության չոր սպիտակ գինի՝ քաղցրահամ նոտաներով ու 12.5 % ալկոհոլի պարունակությամբ։ Ունի ցիտրուսային մրգերի ու սպիտակ դեղձի բույր և թունդ թթվայնության համային նոտաներ, իսկ հանքային կառուցվածքը գինուն փոխանցում է գերազանց թարմություն։ Կարելի է համադրել թեթև, բուրավետ, ինչպես նաև կծու աղանդերի հետ։

Madeira

Եվս մեկ պորտուգալական աղանդերային գինի՝ 19 % ալկոհոլի պարունակությամբ։ Խմիչքի բույրն ունի ծիրանի ջեմի, արևադարձային մրգերի, մեղրի ու կարամելի նոտաներ։ Ըմպելիս կարելի է նկատել քաղցրության ու թարմության հավասար ազդեցություն, ինչպես նաև թթու համ։ Այն նախընտրելի է ըմպել ընթրիքի՝ խոզապուխտի ու պանիրների տեսականու համադրությամբ, ինչպես նաև աղանդերի հետ։

Այսպիսով, աղանդերային գինի գնել կարող եք Վինո Վինո ալկոհոլի մասնագիտացված խանութից, որտեղ կգտնեք վերոնշյալ գինիների տեսականին և ոչ միայն։

Ինչպես համադրել աղանդերային գինին

Աղանդերային գինին գերազանց համադրելու համար անհրաժեշտ է հաշվի առնել գինու և աղանդերի համային նոտաները։ Օրինակ՝ եթե գերակշռում են շոկոլադե աղանդերը, ապա կարելի է ընտրել հարուստ համային նոտաներով աղանդերային գինի։ Կարևոր է նաև հաշվի առնել քաղցրության մակարդակը, այնսինքն՝ հարկավոր է ընտրել հավասար քաղցրության աղանդեր ու գինի և խուսափել բարձր թթվայնություն ունեցող տարբերակներից։ Եվ վերջապես, գինու և աղանդերի համադրության ընթացքում անհրաժեշտ է պահպանել խմիչքի և ուտեստի ծանրության հավասարակշռությունը։ Օրինակ՝ թեթև չիզքեյքը չենք կարող համադրել ծանր ու թունդ գինու հետ, քանի որ այդ դեպքում գինին կթաքցնի չիզքեյքի նուրբ համը։

Շատերի համար աղանդերային գինի կարող է համարվել ցանկացած գինին՝ ընթրիքի ու աղանդերի ընթացքում ըմպելու համար։ Իսկ շատերն էլ նախընտրում են հենց աղանդերի ընթացքում համտեսելու համար նախատեսված գինիները, ինչպես նաև ուտեստների հետ դրանց ճիշտ համադրությունը։ Աղանդերային գինին արտադրվում է հատուկ խաղողների տեսակներից, որի ընթացքում կիրառվում են գինու արտադրության տարբեր եղանակներ։ Արդյունքում ստացվում են քաղցրության տարբեր մակարդակներով ու տարբեր երանգներով գինիներ՝ բազում աղանդերի հետ համադրելու համար։

Ամփոփում

Աղանդերային գինի ընտրելիս հարկավոր է հաշվի առնել դրա տեսակը, օրինակ՝ գոյություն ունեն աղանդերային գինիների տեսակներ, որոնք պարունակում են բրենդի կամ կոնյակ՝ գինու բաղադրությունում ալկոհոլի մակարդակը բարձրացնելու ու գինին պահպանելու նպատակով։ Նման գինիները սովորաբար ավելի քաղցրահամ են, իսկ ալկոհոլի պարունակությունը 15%-ից մինչև 22% է։ Գոյություն ունեն նաև աղանդերային գինու տեսակներ, որոնց քաղցրությունը ձեռք է բերված բնական ճանապարհով՝ առանց որևէ հավելումների։ Նման գինիների արտադրության ընթացքում սովորաբար ներառվում են ավելի հասած խաղողներ, որոնք խմիչքին փոխանցում են բնական քաղցրություն։ Այս դեպքում ալկոհոլի պարունակությունը 8%-ից 15% է։

Այսպիսով, աղանդերային գինու ընտրության հարցում անհրաժեշտ է հաշվի առնել ուտեստի ու գինու տեսակը, համային նոտաները և դրանց համադրելիությունը։ Կարևոր է նաև հաշվի առնել խմիչքի բաղադրությունում ալկոհոլի մակարդակը և սեփական նախընտրությունները։